स्नेहकेअर विषयी थोडक्यात :

सातार्‍यामध्ये नॅशनल असोसिएशन फॉर दि ब्लांईड हि संस्था गेली 32 वर्ष विविध सामाजिक क्षेत्रात कार्यरत आहे. अंध बांधवांचा उत्कर्ष व पुर्नवसन हे संस्थेचे मुख्य उद्दीष्ट आहे आणि त्यासाठी संस्थेने आजवर हजारो अंध बांधवांना रोजगारासाठी प्रशिक्षण व आर्थिक मदत केली आहे तसेच वैद्यकिय आणि शैक्षणिक मदत करीत आहे.
याच बरोबर नॅबने आता आपली सामाजिक अस्मिता जपत स्त्री सबलीकरणाची गरज लक्षात घेऊन “स्नेह केअर” विक्रीच्या माध्यमातून एक नवे पाऊल उचलले आहे.
संस्थेच्या या नव्या प्रकल्पातून होणार्‍या विक्रीतील नफ्याचा अंध बांधवांच्या उन्नतीसाठी विनियोग केला जाणार आहे. तसेच महिलांना रोजगार उपलब्ध झाल्याने त्या आर्थिकदृष्ट्या स्वावलंबी होऊन महिलांचे सक्षमीकरण होण्यास मदत होणार आहे.